Arston - Zodiac

Unha melodía que me encanta e me deixa ca boca aberta cada vez que a escoito. Pasa do dance ó house e a un dubstep en certos momentos que fai que o tema teña un estilo peculiar, pero que cumple moi ben.

Podes escoitalo aquí:

Manian feat. Nicco - Tonight (Manox remix)

Manian, un dos xenios das produccións, únese a Nicco, vello coñecido de temas da compañía Zooland. Para este novo tema básanse en melodía dance, pero sen embargo Manox toma o vocal e dalle un cambio radical e pasao a hands up. Realmente bo.

Podes escoitalo aquí:

Henrik B, Niklas Gustavsson, Peter Johansson - Echoes

Un inicio un tanto pobre, pero que pouco a pouco vai dando forma a un tema que medra en calidade segundo tras segundo. Un vocal delicado e sen moita viveza acompaña a unha melodía moi traballada.

Podes escoital aquí:

Dipl. Inch - Superego

Tras o seu primeiro tema "Where's the church", temos entre nos o novo sinxelo dos Dipl. Inch. Moi comercial e con sons moi frescos, acompañado dun vocal que funciona realmente ben.

Podes ver o videoclip oficial aquí:

Julian Jordan - Ramcar

Unha melodía en certos momentos un pouco estridente, pero que convence pola súa calidade. Este novo productor ten moita imaxinación e esperemos que os novos temas que poidamos escoitar del sexan tan bos ou mellores que este.

Podes escoitalo aquí:

Quintino & Alvaro - World in our hands

Tras o aclamado tema en colaboración con Sandro Silva, o "Epic" que tanto e tanto sonou en festivales da man de grandes djs Quintino volta á carga xunto con Álvaro para producir un tema moito máis comercial e con menos potencia, pero que rebosa calidade por todos os seus costados.

Podes escoitalo aquí:

Syn Cole - April

Dende o selo LE7ELS, é decir, a discográfica de Avicii, chéganos o novo tema de Syn Cole, no que segue un estilo melódico moi similar ó remix que fixera do "Silhouettes" de Avicii e que tanto sorprendeu.

Podes escoitalo aquí: